| 人都係貪新忘舊架喇, 而家上親都係FACE BOOK, 出街同D FD影相都係為左FACE BOOK, 哈哈! 咁岩開下XANGA黎睇, 睇返以前D記低既野又幾得意. 不過唔知點解最後個D亂哂碼....無哂.... 所以而家寫完再BACKUP, 第時老左都可以睇返. 對上一篇仲係上年新年過左日本3個月既日子, 真係懷念, 唔係懷念係日本幾好, 而家當時既經濟情況, 個陣每日就係出街買貨, 之後寄返香港, 放上架就會有人買, 反而擔心日本唔夠貨. 上年仲雄心壯志, 諗住真係好快可以退休, 仲係9月租左銅鑼灣地帶, 諗住兩間舖都咁賺錢.. 點知一租就爆煲, 最嚴重都係雷曼破產個單, 爆完之後, 營業額急跌5成... 其實08年頭股票都開始跌, 又話美國次接, 不過當時我一D影響都無, 生意仲幾好, 如果唔係都唔會就去開多間. 呢D真係無經驗所致. 不過算啦, 唔租都租左喇, 唯有照做啦, 呢幾個月都係洩住做, 將之前賺到既洩返落去, 旺角個邊都係夠皮費, 黎緊6月中旺角租約滿, 岩岩收到電話: +3000蚊租, 都痴線既... 呢個時勢仲加租....不過旺角個位真係靚, 無左之後可能無機會租得返.. 反而覺得好景既時候, 做咩都賺, 差個陣, 幾靚既位都無用. 除左世界經濟差之外, 我仲而對日圓上漲20%, 日本貨品加價既問題, 同行唔加價, 散戶做爛市既情況, 令我覺得水貨已無得做. 雖然有D朋友會話人地個D一早入定哂D YEN, 所以咪唔怕囉, 講我都識講, 但做我地呢行成本咁高, 邊會有多餘錢出黎買定YEN丫, 我做左3年, D YEN都係咁低, 您會唔會諗住一夜之間升20%丫, 個個都諗住D YEN都係咁上下架喇, 有邊知道今日D YEN係咁高, 您知道自己又唔買定, 您發左啦. 您分析前景我都會聽, 但唔該唔好係度馬後炮. 我憎D人話: 我都話架啦. 屌....您咁撚醒又唔見您發左... 黎緊諗住轉營做男裝批發, 已經開始, 不過速度好慢, 怕做唔到夏天呢轉, 加上自己對款色上仲有好多疑惑, 不過呢行勝在低成本, 景氣唔好個陣都可以守, 做零售的話, 洩租洩人工都好金. 除左男裝批發, 其實仲有幾條路我諗緊, 第一就係阿貴係美國, 可以幫我做買手, 做美國野個匯價就穩定, 不過又係行返水貨呢條路, 我又唔係幾想. 另外就係日本鞋, 呢個我一年前已經計劃過, 同日本既廠傾完之後, 發覺我根本唔夠資金去做, 又唔想集資, 而且日本既廠好保守, 覺得做日本內銷已經足夠, 係得唔到配合之下, 所以擱置左. 但今時唔同往日, 岩岩收到風, 日本傾開個間廠想發展外國市場, 大陸時場當然係佢地睇到既一舊肥豬肉, 不過佢地一定唔夠一黎就入大陸, 所以佢地一定諗台灣/香港為首站先, 我當然希望佢可能係香港試搞, 因為呢方面我可以配合, 加上台灣比香港更不景氣, 政治不比香港穩定, 雖然台灣已開始小三通, 不過香港公司係CEPA帶黎優惠之下, 進軍大陸依然方便好多, 諗就諗得好好, 不過每次要做就一定會有好多問題要解決, 以前我就乜都要快, 而家唔係快就可以解決問題, 做之前一定要諗清楚, 因為我已試過好多時做一個快既決定, 到頭來係會失敗的. 生活上呢一年都無乜變化, 本來年頭諗住有小小錢, 抽間居屋, 係自己經濟範圍內做下小業住, 起不唔駛長期係紫荊屋企住, 不過最後因為心雄, 諗住要賺多D, 開多間舖. 而家唯有由頭挨過. 而家都過返D慳既日子, 小D出街食飯, 如非必要都唔渣車, 有時麻煩D朋友順風車車埋我, 真係唔該佢地. 以前一間舖都請2個SALES, 每日都唔駛睇舖, 而家兩間舖都係得返一個FULL-TIME + 一個PART-TIME, 自已每星期要睇4-5日舖, 而家都KEEP住有踢波, 不過就無好似以前場場都到, 有時都要睇舖, 加上最近兩個SALE輪住黎放大假, 差唔多日日都要睇舖, 所以批發做貨個度又慢左好多. 而家球隊差唔多每個都搵到女朋友喇, 都係09年既事, 唔通今年豬年行挑花運, 哈哈. 都鄧佢地開心, 上兩星期仲搞左個BBQ, 第一次大家都攜眷出席, 感覺同以前唔同. 哈哈! 最近都搵返D無見差唔多6 - 7年既朋友出黎食下飯, 吹下水, 真係要多得FACEBOOK, 搵返以前D朋友, 不過唔知點解小學個批好難搵.. 記得名都SEARCH唔到. 搵到個班小學同學都係隔離班的, 最FD個幾個都搵唔到. 今年同紫荊一齊已經9年喇, 真係話咁快... 不過暫時都無諗住結婚, 因為都一齊住, 其實同結婚無乜分別, 都係差張紙, 其實我唔太BUY結婚, 因為我覺得只係做場SHOW, 同埋滿足父母, 我覺得結婚擺酒都係父母最開心(我真係不考), 我覺得以我而家咁既樣, 要人地嫁比我好似唔係幾好, 要結就要結得好好睇睇, 起碼對得住紫荊父母先. 我屋企方面都係差唔多, 不過感覺爸媽都開始有D老, 雖然外表其實差唔多, 不過見佢地有時有D地方唔舒服, 又要睇醫生, 有時氣力又冇以前咁好, 不過睇得出佢地都享受佢地而家既生活既, 我阿妹應該唔駛擔心佢架喇, 黎緊下年佢又要再讀多兩年, 佢條路已經好清楚就係建築師, 因為佢除左呢條路已係其他選擇, 哈哈. 不過都係好事, 起碼就算我唔好景既時候, 仲有阿妹睇住屋企. 寫住咁多先喇! |
